OSHA WATAKIWA KUWAJENGEA UWEZO ZAIDI VIONGOZI ILI KUSIMAMIA USALAMA NA AFYA KWA WAFANYAKAZI

Na Khadija seif, Michuzi tv

MKUU wa Mkoa wa Ruvuma Mh Christina Mndeme amewashauri wakuu wa 

taasisi mbalimbali kujua vizuri majukumu ya wakala wa usalama na Afya mahali pa Kazi (OSHA) ili waweze kuwasaidia 

wananchi kulinda usalama na afya wakiwa kazini.

Mndeme amesema hayo mara baada ya kutembelea Ofisi za Wakala wa 

Usalama na Afya Mahali Pa Kazi (OSHA) jijini Dar es salaam kujifunza 

mambo mbalimbali yanahohusu usalama na Afya kwa Wafanyakazi.

Akizungumza na Uongozi wa Wakala wa usalama na Afya Mahali Pa Kazi 

(OSHA) Jiji Dar es salama, Mkuu wa Mkoa huyo alisema Jukumu la Viongozi 

wa serikali ni Kuijua OSHA vizuri na kusimamia usalama na Afya sehemu ya 

kazi katika maeneo yao.

Alisema yeye kama kiongozi wa Mkoa wa Ruvuma pia ni Mwenyekiti wa Kamati ya Ulinzi na Usalama ya Mkoa, anapokea 

Malalamiko kwa watumishi toka sehemu mbalimbali za uzalishaji, hivyo 

Kuifahamu vizuri OSHA kutusaidia pia kushughulikia malalamiko yanayoletwa na Wafanyakazi wakiwa maeneo ya kazi.

Hivyo OSHA haina budi kuwajengea uwezo zaidi Viongozi ili waweze kusimamia vizuri usalama na afya kwa wafanyakazi.

Pia Mndeme amewashauri wakala wa usalama na Afya mahali pa kazi (OSHA) kufungua Ofisi zaidi mikoani na kusogeza huduma hizo hadi ngazi ya wilaya jambo ambalo litasadiakufahamika zaidi kwa wananchi wengi na kuwasaidia wananchi walio wengi kwenye maeneo yao.

“Naipongeza serikali kwa kuanzisha OSHA, hivyo niwajibu wetu kuiunga 

mkono, kwani shughuli za OSHA zinagusa wananchi wote. Tunajukumu la 

kumsaidia Mh Rais wa Jamhuri wa Muungano wa Tanzania. Katika 

kutekeleza majukumu yake, serikali imefanya mengi kupitia serikali ya 

awamu ya tano, imeweze kujenga Hospital, kupeleka Umeme hadi Vijijini 

hivi sasa kupitia REA wananchi wengi wameweza kuingiziwa 

Umeme”alisema.

Mkuu wa Mkoa wa Ruvuma Christina Mndeme akiwa pamoja na wafanyakazi wa uwakala wa usalama na Afya Mahala pa kazi (OSHA) Mara baada ya kuwatembelea na kupatiwa elimu mbalimbali kuhusu usalama Mahala pa kazi pamoja na majukumu