MGANGA MKUU WA SERIKALI AWAPONGEZA JKCI NA MOI KWA UTOAJI HUDUMA ZA AFYA

 

Mganga Mkuu wa Serikali Prof. Makubi akiwajulia hali wagonjwa waliofika kupata huduma kwenye Taasisi ya MOI

Mkurugenzi wa Taasisi ya Moyo Jakaya Kikwete(JKCI) Prof. Mohamed Janabi akimuonesha Mganga Mkuu wa Serikali Prof. Abel Makubi ukarabati unaoendelea kwenye taasisi hiyo kwa mapato ya ndani

Wodi ya Watoto iliyopo Taasisi ya Moyo Jakaya Kikwete(JKCI) ambayo ukarabati wake unakamilika hivi karibuniMenejimenti ya Taasisi ya Mifupa na Mishipa ya Fahamu(MOI) wakimsikiliza Mganga Mkuu wa Serikali(hayupo pichani) wakati alipofika hospitalini hapo kujionea hali ya utoaji huduma za afya

***********************************

Na.WAMJW-Dar es Salaam

Mgaga Mkuu wa Serikali Prof.Abel Makubi leo amefanya ziara ya kikazi kwenye taasisi ya JKCI na MOI na kujionea hali ya utoaji huduma katika hospitali hizo

Pof. Makubi amewashukuru na kuwapongeza Uongozi na watumishi wa taasisi hizo mbili kwa kazi kubwa wanazofanya katika kuwahudumia wananchi na kuwataka wafanye kazi kwa bidii na kwa uzalendo hususan kuwahudumia wananchi wasio na uwezo.

Vilevile amewataka kuendeleza mshikamano katika kuboresha huduma ili wananchi waweze kupata huduma nzuri na bora.

Kwa upande wa JKCI,Mganga Mkuu huyo aliwapongeza kwa kutumia mapato yao ya ndani kuboresha huduma kwenye hospitali hiyo

Hata hivyo amewataka MOI kutoa wataalam wake kwenda kutoa huduma na ujuzi kwenye hospitali za kanda ili huduma za mifupa na mishipa ya fahamu isifuatwe Dar es Salaam pekee