ROMY JONES AACHIA RASMI ALBAMU YAKE

Dj wa Diamond Platnumz  maarufu kama Romy Jones hatimae leo ameachia rasmi album yake ya changes katika mitandao ya kijamii, ikumbukwe alitangaza kuachia album hiyo mwezi Agosti jijini Dar es salaam lakini ilikuwa bado haipatikani katika mitandao ya kijamii kama Youtube na mingine mingi.

Katika album hiyo ameshirikiana na wasinii mbalimbali wa ndani ya nchi na wengine kutoka inje ya nchi wasanii wanaopatikana katika album hiyo ya changes ni Diamond Platnumz, Rayvanny, Lavalava, Vannesa mdee, Christian Bella, Mimi Mars,Chin Bees, Marioo, Mbosso, Khadija Koppa, Fid Q , Young Lunya na G nako.

 Kwa upande wa wasanii wa nje ambao wanapatikana katika album hiyo ni pamoja na Sho Madjozi kutoka Afrika Kusini, Meddy kutoka Rwanda, Morgan Heritage kutoka Jamaica, Jose Chameleon Kutoka Uganda, Khaligraph Jones Kutoka Kenya pamoja na Alice, Ycee, Bm.

Kupitia ukurasa wake wa instagram amewaomba radhi mashabiki zake kwa kuchelewesha kupatikana kwa album hiyo katika mitandao ya kijamii kwa muda kwa kusema kuwa

"kwanza kabisa nianze kwa kuomba radhi kwa kutokuepo kwa baadhi ya nyimbo,hii yote ni kuweka vitu sawa kukupa kinachostahili kwa wakati husika".