PROFESA KIKULA AONGOZA KIKAO CHA TUME YA MADINI

MWENYEKITI wa Tume ya Madini, Profesa Idris Kikula leo tarehe 15 Aprili, 2020 ameongoza kikao cha kazi cha Tume ya Madini kilichofanyika jijini Dodoma lengo likiwa ni kupokea na kujadili taarifa ya utekelezaji wa majukumu ya Tume kwa kipindi cha robo mwaka. 

Kikao hicho kimeshirikisha Makamishna wa Tume ya Madini ambao ni pamoja na Katibu Mkuu wa Wizara ya Ardhi, Nyumba na Maendeleo ya Makazi, Mary Makondo, Katibu Mkuu wa Ulinzi na Jeshi la Kujenga Taifa, Dkt. Faraji Mnyepe na Naibu Mwanasheria Mkuu wa Serikali, Dkt. Evaristo Longopa.

Makamishna wengine ni pamoja na Mtendaji Mkuu wa Shirikisho la Vyama vya Wachimbaji wa Madini Tanzania (FEMATA), Haroun Kinega, Prof. Abdulkarim Mruma na Dkt. Athanas Macheyeki.

 Mwenyekiti wa Tume ya Madini, Profesa Idris Kukula (kushoto) akiongoza kikao cha kazi cha Tume ya Madini kilichofanyika jijini Dodoma tarehe 15 Aprili, 2020. Kulia ni Katibu Mtendaji wa Tume ya Madini, Profesa Shukrani Manya.

 Katibu Mtendaji wa Tume ya Madini, Profesa Shukrani Manya (kulia) akielezea mafanikio ya utendaji wa majukumu ya Tume ya Madini kwenye kikao hicho. Kushoto ni Mwenyekiti wa Tume ya Madini, Profesa Idris Kukula.

 Katibu Mkuu wa Wizara ya Ardhi, Nyumba na Maendeleo ya Makazi, Mary Makondo, akichangia mada kwenye kikao hicho.

 Kamishna wa Tume ya Madini, Dkt. Athanas Macheyeki akielezea namna Tume ya Madini inavyosimamia utekelezaji wa mipango ya ushirikishwaji wa wazawa kwenye Sekta ya Madini kwenye kikao hicho.

 Kamishna wa Tume ya Madini, Profesa Abdulkarim Mruma akifafanua jambo kwenye kikao hicho.

 Kaimu Mkurugenzi wa Ukaguzi na Biashara ya Madini wa Tume ya Madini, George Kaseza akielezea mikakati ya Tume kwenye usimamizi wa masoko ya madini na vituo vya ununuzi wa madini nchini.

 Kutoka kushoto mbele Katibu Mkuu wa Wizara ya Ardhi, Nyumba na Maendeleo ya Makazi, Mary Makondo na Naibu Mwanasheria Mkuu wa Serikali, Dkt. Evaristo Longopa wakifuatilia  ufafanuzi uliokuwa unatolewa na Katibu Mtendaji wa Tume ya Madini, Profesa Shukrani Manya (hayupo pichani)

Watendaji kutoka Tume ya Madini wakifuatilia majadiliano mbalimbali yaliyokuwa yanaendelea katika kikao hicho.