MNAPASWA KUDUMISHA NIDHAMU YA MATUMIZI YA FEDHA BAADA YA KUSTAAFU- PINDA

Waziri Mkuu Mstaafu wa Jamhuri ya Muungano wa Tanzania Mhe Mizengo Pinda akimuonesha Katibu Mkuu Ofisi ya Waziri Mkuu (Bunge na Waziri Mkuu) Bi. Maimuna Tarishi sehemu ya mimea ya zabibu aliyolima katika shamba lake la hekari 10 kwa ajili biashara wakati wa ziara ya watumishi wa ofisi hiyo wanaotarajia kustaafu mwaka huu walipomtembelea kujifunza mafanikio yake. Mmoja wa wastaafu kutoka Ofisi ya Waziri Mkuu Bw. Nisetas Kanje akiuliza swali kwa Waziri Mkuu Mstaafu Mhe. Mizengo Pinda walipomtembelea nyumbani kwake eneo la Zuzu Dodoma kwa lengo la kujifunza Stadi za maaisha pindi watakapostaafu ikiwa ni moja ya shughuli anazofanya baada ya kustaafu Muonekano wa moja ya mabwawa ya kufugia samaki aina ya sato katika shamba la Waziri Mkuu Mstaafu wa Jamhuri ya Muungano wa Tanzania Mhe Mizengo Pinda lililopo Kijiji cha Zuzu Jijini Dodoma ikiwa ni moja ya shughuli anazofanya baada ya kustaafu. Waziri Mkuu Mstaafu wa Jamhuri ya Muungano wa Tanzania Mhe Mizengo Pinda akiwaonesha waastafu kutoka Ofisi ya Waziri Mkuu moja ya Bwawa la kufugia samaki aina ya kambale lililopo katika shamba lake eneo la Zuzu Jijini Dodoma walipomtembelea ikiwa ni sehemu ya mwendelezo wa mafunzo yaliyotolewa na ofisi hiyo kwa wastafu hao katika kuiadhimisha Wiki ya Utumishi wa Umma inayoendelea. Muonekano wa sehemu ya shamba la zabibu linalomilikiwa na Waziri Mkuu Mstaafu Mhe.Mizengo Pinda eneo la Zuzu Jijini Dodoma ikiwa ni moja ya shughuli anazofanya baada ya kustaafu. Waziri Mkuu Mstaafu wa Jamhuri ya Muungano wa Tanzania Mhe Mizengo Pinda akiwaonesha baadhi ya watumishi kutoka Ofisi ya Waziri Mkuu wanaotarajia kustaafu mwaka huu ufugaji wa kuku walipomtembelea katika makazi yake eneo la Zuzu Jijini Dodoma ikiwa ni sehemu ya kujifunza namna ya kufanya ujasilimali watakapostaafu. 

Katibu Mkuu (Ofisi ya Waziri Mkuu) Bi. Maimuna Tarishi akizungumza jambo wakati wa kikao kifupi cha watumishi wa ofisi yake wanaotarajia kustaafu (hawapo pichani) pamoja na Waziri Mkuu Mstaafu wa Jamhuri ya Muungano wa Tanzania Mhe Mizengo Pinda walipomtembelea katika makazi yake eneo la Zuzu Jijini Dodoma. 

Waziri Mkuu Mstaafu wa Jamhuri ya Muungano wa Tanzania Mhe Mizengo Pinda akiwaonesha baadhi ya watumishi wa Ofisi ya Wazri Mkuu wanaotarajia kustafuu mwaka huu sehemu ya miti ya miembe aliyolima katika shamba lake eneo la Zuzu Dodoma, wa kwanza kulia ni Katibu Mkuu (Ofisi ya Waziri Mkuu) Bi. Maimuna Tarishi. Waziri Mkuu Mstaafu wa Jamhuri ya Muungano wa Tanzania Mhe Mizengo Pinda akiwa katika picha ya pamoja na baadhi ya watumishi wa Ofisi ya Waziri Mkuu wanaotarajia kustaafu walipomtembelea nyumbani kwake eneo la Zuzu Jijini Dodoma Juni 20,2019.Kushoto kwake ni Mkuu Ofisi ya Waziri Mkuu (Bunge na Waziri Mkuu) Bi. Maimuna Tarishi.

(PICHA ZOTE NA OFISI NA WAZIRI MKUU) 

………………….

Waziri Mkuu Mstaafu wa Jamhuri ya Muungano wa Tanzania Mhe Mizengo Pinda amewaasa watumishi wa Ofisi ya Waziri Mkuu wanaotarajia kustaafu hivi karibuni kudumisha nidhamu katika matumizi ya fedha baada ya kustaafu utumishi wa umma na kujikita katika shughuli za uzalishaji. 

Akizungumza katika makazi yake yaliyopo Zuzu Jijini Dodoma wakati watumishi hao walipomtembelea Juni 20, 2019 kwa lengo la kujifunza shughuli mbalimbali za uzalishaji katika sekta ya kilimo na mifugo ikiwa ni sehemu ya maandalizi ya kustaafu pamoja na kuadhimisha wiki ya Utumishi wa Umma , Mhe Pinda amesema kuwa kuna umuhimu mkubwa kwa watumishi wote wanaotarajia kustaafu kujenga utamaduni wa nidhamu katika matumizi ya rasilimali ikiwemo fedha watakazopata kama kiinua mgongo. 

” Nidhamu ya maisha baada ya kustaafu ni muhimu sana hivyo niwaase mjitahidi kuacha baadhi ya masuala ambayo mnafanya kwa sasa kama starehe na mambo yote yanayoendana na kupoteza muda wenu badala yake mjikite katika uzalishaji” Alisisitiza Mhe. Pinda .

Aliongezea kuwa ni vyema watumishi hao wakajenga utamaduni wa kufanya kazi za uzalishaji na kujikita katika usimamizi wa miradi ya uzalishaji watakayoanzisha kwa lengo la kujiongezea kipato na kukuza uchumi . 

Pia aliwaasa watumishi hao kuzingatia mawazo kutoka kwa watumishi ambao wameshastaafu na wamefanikiwa kimaisha baada ya kustaafu. 

“Kila mmoja wenu akatekeleze miradi ya kujikwamua kiuchumi kwa kuzingatia mafao atakayopata badala ya kutaka kufanya mambo kwa mashindano bali kila mtu ajikune kulingana na mkono wake unapoweza” 

Kwa upande wake Katibu mkuu wa Ofisi ya Waziri Mkuu (Bunge na Waziri Mkuu) Bi Maimuna Tarishi amesema kuwa mafunzo yakuwajengea uwezo wa kujiandaa kustaafu, yameandaliwa ikiwa ni sehemu ya maadhimisho ya wiki ya utumishi wa umma. 

Aliongeza kuwa watumishi hao wamefarijika kuona shughuli za uzalishaji anazofanya Waziri Mkuu mstaafu Mhe. Mizengo Pinda na kuwa ni mfano kwa watumishi wa umma wanaostaafu na kuanza kujikita katika uzalishaji mali . 

Ofisi ya Waziri Mkuu imeandaa mafunzo ya siku 5 kwa watumishi wake wanaotarajia kustaafu ili kuwapa mbinu za kisasa zinazolenga kuwawezesha kuendelea na maisha yao baada ya kustaafu huku wakiendeleza shughuli za uzalishaji zitakazowawezesha kuendesha maisha yao ya kila siku na kuweza kukabiliana na changamoto zinazoweza kujitokeza baada ya kustaafu.